Testosteron

Spørsmål

Jeg er plaget av søvnproblemer og noe overvekt.170 høy og 86 kilo.
Blir nokså fort sliten ved fysisk arbeid og ukonsentrert ved
lesing og arbeid med pc.
Har hørt at testosteronbehandling kan hjelpe til en mer opplagt
hverdag. Hva er normalt testosteronnivå for en person i min alder?

Relevante sykdommer/medisiner: bruker en blodtrykksmedisin og albyle
som blodfortynner.

Mann, 62 år

Svar

Hei
Du er sliten, har søvnproblem og er ukonsentrert. Dette er symptom som kan skyldes en rekke sykdommer og vanskelige livssituasjoner. Eg ville nok ikkje i første omgang tenkt på å behandle dette med testosteron.

Vanlege symptom på testosteronmangel oppstått etter puberteten er: Tap av muskelmasse, lav eller manglande sexlyst, impotens, redusert skjeggvekst og mindre kroppsbehåring, beinskjørhet, manglande initiativ og energi og redusert konsentrasjonsevne. Men - ein kan sjølvsagt ha mangel på testosteron utan å ha alle desse plagene.

Utredning med tanke på testosteronmangel innebærer å få greie på om dei nemnde symptoma er til stades. I tillegg vil legen undersøkje testiklane. Mest aktuelle blodprøvar er testosteron, SHBG og LH. LH er eit hormon som blir produsert i hypofysen (som ligg midt inne i hovudet). Det er dette hormonet som styrer produksjonen av testosteron. I blodet sirkulerer testosteronmolekylet i to "former" - anten bunden til SHBG (eit protein) eller fritt i blodplasma. Det er eigentleg det frie testosteronet som gir effekt, men dette er svært vanskeleg å måle. Derfor måler ein summen av SHBG-bunde og fritt testosteron. Normalområdet er ca 12-40 nmol/l. Ein kan imidlertid ikkje vurdere testosteronmangel kun ut frå maling av testosteron. Det må gjerast ei samla vurdering av sjukehistorie, kroppslige funn og blodprøvane LH, testosteron og SHBG.

Den amerikanske foreninga av endokrinologar har likevel tilrådd at behandling av testosteronmangel bør vurderast hos menn som har symptom som kan passe med testosteronmangel og i tillegg testosteron i blodet mindre enn 7 nmol/l.