Hovne lymfeknuter

For omlag ein månad sidan oppdaga eg at eg har relativt store lymfeknutar i lysken; dei er av ulik storleik, circa 5-15 mm, og er harde og bevegelege. Ettersom eg aldri har lagt merke til dette før stokk eg litt, og bestilte time hos lege. Legen sa at dei var ganske store og lette å kjenne, men at dette kanskje er det normale for meg, særleg sidan eg er ganske slank. Utan andre symptom og indikasjonar var det ingen grunn til å ta det vidare. Fysste gongen eg oppdaga dette meinte eg det var omlag fire klumpar på kvar side. Når eg no, ein månad seinare, kjenner etter, synest eg dei er overalt, minst 10 stykker paa kvar side, og eg meiner dei er lettare å kjenne enn tidlegare. Men, kan hende kjenner eg no djupare, og over større omraade enn eg gjorde fysst? Det er fleire ganske store knutar men eg trur ikkje dei er større enn 15 mm, som eg har lese kan vere normal storleik på lymeknutar i lysken. Eg er usikker, og difor er eg usikker på om eg bør faa undersøkt dette vidare. Knutane er ikkje ømme. Eg kan kjenne ein mjuk og bevegeleg klump i nakken, circa 7mm, men elles har eg ingen klumpar på halsen eller under armane, og har elles ikkje endra helsetilstand. Er dette noko eg bør få undersøkt nærare?

Dersom dette er hovne lymfeknutar, kan dette vere eit teikn på sjukdom, utan andre symptom?

Bør eg overvake antal og storleik, og kor ofte? Eg synst dette er vanskeleg å vurdere og ville gjerne fått det fast-slått av andre. Finst det ein enkel undersøkelse som kan gje meir indikasjonar på om dette er normal-tilstand eller ikkje? Fysste gongen gjorde legen ingen andre undersøkingar enn å kjenne etter i lysken, under armane og halsen. Kvinne, 31 år